GANDR i steinringane på Hunn, Fredrikstad 8. sept
Aktiv vandrevisning med FRIKAR og DNT med dans inspirert av helleristningar. Møte mellom dansekunst og natur opp til Ravneberget og ned til dei eldgamle steinringane på Hunn! Me ynskjer å skapa leikne opplevingar med urgammal kunnskap som gjev kroppsleg klang.
Med rytmer, akrobatikk og hamskiftande dans ynskjer FRIKAR å blåse nytt liv i vår eldgamle kulturarv. Spelinga er del av turné med DNT.
I takt med at verdsveven strammar grepet om liva våre føler me det er viktigare enn aldri før å samlast ute i naturen og dele kroppslege historier og erfaringar. Me har reist med arkeologar for å forstå meir av kvifor dans har vore så viktig i 7000 år her i det kalde nord. SJÅ VIDEO FRÅ RESEARCHEN HER. Det har inspirert oss til å laga GANDR.
GANDR er norrønt for både “sjel” og “stav”. Som publikumar låner me deg ein vandrestav på turen som du kan bruke til støtte, til avstand eller til å interagere med. For mange blir det ein god ven på turen.
Etter eit lite rytmisk, grupperituale med staven går me opp til Ravneberget med innlagte danseinnslag før alle publikumarar og kunstnarar møter kvarandre i steinringane for ei 45 min framsyning.
Billettregistrering frå kl 16.00 på parkeringa ved Hunnfeltet ved steinringane, bak Gråtass barnehage ved Haldenvegen (GPS: 59.216033, 11.075035). Kl 16.30 går me opp langs merka løype til Ravneberget der det har vore bygdeborg og returnerer til steinringane der avslutningsframsyninga skjer ca kl 18.00. Solnedgang kl 19.56. Me er ferdig ca 18.50.
TA MED: Varme klede for å sitja stille ute. Gode sko for terreng. Ok med medbrakt mat og drikke. Sitjeunderlag. Plaster og evnt nødvendige medisinar.
NIVÅ: Turen til Ravneberget og retur tek til saman om lag 1,5 t på stigar av ulike kvalitet. Eit par bratte kneiker der folk som er dårlege til beins bør ha ledsager. Barn under 16 i fylgje med vaksen. Ikkje ta med dyr, heller ikkje til parkering. Ikkje framkomeleg med barnevogn og rullestol. Men avslutningsframsyninga ved steinringane er tilgjengeleg.
DANSARAR: Julianne Solli, Marnie Josefine Fiebig, Anna Benedicte Andresen og to til.
Musikken er innspelt.
Endring av billettar: Me gjer merksame på at me ikkje har administrative krefter til å endre tinga billettar. Billettar blir ikkje refundert.
Avslag: DNT-medlemmar får 25% rabatt.
Konsept og koreografi: Hallgrim Hansegård. Koreografien utvikla i lag med medskapande dansarar.
Musikk av Terje Isungset. Joik av Torgeir Vassvik
Kostymedesign: Line Maher.
Produsent FRIKAR: Kirsti Buchanan Ulvestad
GANDR og turneen er utvikla i samarbeid med talentutviklingsprogrammet FRIKAR X som er støtta av Talent Norge og Sparebankstiftelsen DNB. GANDR er også støtta av Kulturrådet, Innovasjon Norge, Fritt Ord, Innlandet fylke, Valdres Natur- og Kulturpark m.f.
Tusen takk til Sparebankstiftelsen DNB for støtte som gjer turneen mogleg! Og tusen takk til grunneigarane Kulturhistorisk museum og Martin Hunn for løyve.
Produsent GANDR: Ingvild Kristin Kirkvik
Restrictions
Hunnfeltet har unike arkeologiske funn og er strengt regulert. Det er ikkje lov å stikke ting ned i jorda. Unngå eld og røyk.
Vandrevisninga foregår ute i naturen. Alle publikummarar under 18 år lyt koma i følgje med vaksen. Fordel med sko og klede til blaute forhald. La hundar vere att heime.
Området er rekna for å være ein offentleg stad. Det er ikkje lov å nyte alkohol. Av hensyn til naturen og andre publikumarar ber me om at de ikkje røyker eller brukar open eld. Hugs å ta med søppel heim. Me tilrår å kle deg etter vêret og ta med gode sko og sitjeunderlag. Det er lov å ta med eigen termos og matpakke. Me sel ikkje mat og drikke.
Sjå info over ang vogn og rullestol.
Waiver
Det er litt begrensa med parkering, men den blir dirigert av DNT Nedre Glomma. Innkøyring ved Gråtass barnehage som stiller med WC. Ta med eige søppel sjølv.
Området er ikkje avgrensa og publikum ferdast på eige ansvar under heile framsyninga, samt i forkant og etterkant. Hugs at du har ansvar for dei mindreårige du har med deg.
Som kjøpar og/eller mottakar av billettar tek du automatisk på deg ansvar for eigen helse under heile arrangementet. Artistar og arrangør har ingen ansvar for deg som publikumar.
Du må fylgje instruksar frå turleiar og skilting og er sjølv ansvarleg for å finne tilbake.